புலம்பல்கள் - PULAMBALGAL

Tuesday, May 22, 2007

சில்லறைகள்..

ரொம்ப நாளா போஸ்டே போடல, என்ன போடறதுன்னும் தெரியல.. எதாவது தேறுதான்னு வலைமேஞ்சிட்டு இருந்தா, நம்ம G3 சில்லறை வாங்கினத பத்தி கோப்ஸ் சொன்னது ஞாபகம் வந்துது.. சில்லறை வாங்கியத கூட போஸ்டரது ரொம்ப நல்ல ஐடியாவா இருக்கே, நமக்கும் நிறையா அனுபவம் இருக்கேன்னு யோசிச்சேன்.. அப்போ தான் ஒருத்தர் ஹெல்மெட்ட பத்தி எழுதியிருந்தாங்க.. அதனால நானும், நான் வாங்கிய சில்லறைகள பத்தி ஒரு மொக்கய போட்டுடலாம்னு செயற்குழு பொதுகுழு எல்லாம் கூட்டி முடிவெடுத்தேன்.. :D

சில்லறை 1:


11ம் வகுப்புல படிக்கும் போது, ஒரு நண்பன் அவங்க அப்பாவோட TVS 50 எடுத்துட்டு வந்திருந்தான்.. ஆர்வகோளாறுல அத நான் ஓட்டரேன்னு வாங்கி ஓட்டினேன். நான் வண்டி ஓட்டரத பத்தி குடுத்த பில்ட்-அப்ப நம்பி கொடுத்திட்டான்.. நம்ம வண்டி ஓட்டுறதே பைனரி ஸ்டைல்ல தான்.. 0, இல்லேனா 50.. நடுவுல 10,20,30 லாம் பழக்கமே இல்ல.. புதுவை ஈஸ்வரன் கோவில் தெரு??ல எதுத்தா போல வந்த காருக்கு வழி விடறேன்னு கட் அடிச்சு கவுந்து விழுந்தோம்.. கால் கை எல்லாம் சிராய்ச்சிட்டு ரத்தக்களரி ஆயிடுச்சு.. நல்ல அடி.. நடக்கவே முடியல... வண்டிக்கு வேற சம டேமேஜ்...

இதெல்லாம் அரசியல்ல சகஜம்டானு எத்தனை சொல்லியும், எனக்கு வண்டி ஓட்ட தெரியலன்னு அந்த பையன் அதுக்கப்புறம் வண்டி கொடுக்கவே மாட்டேன்னு சொல்லிட்டான்.. லூஸு பய.. ..ஒழுங்கா ஓட்ட விட்டுருந்தா இன்னேரம் ஒரு பைக் ரேஸ் வீரனா, அஜித் மாதிரி வர வேண்டிய ஆளு :D:D .. சரி, சரி விடுங்க.. பழைய கதைய பேசி என்ன ஆகப்போகுது..

சில்லறை 2:

இது ரொம்ப சுவாரசியமா இருக்காது.. டைடல் பார்குல இருந்து வந்து மத்திய கைலாஷ்ல சிக்னல் விழறதுக்கு முன்னடி ரைட் அடிக்கனும்னு வேகமா திரும்ப முயற்சி பண்ணேன்.. அவ்வளவு தான் தெரியும்.. ஒரு போலீஸ்கார மாமா பக்கத்துல நின்னு எதோ சொல்லிகிட்டு இருக்கார்.. என்ன நடந்ததுன்னே தெரியல.. கை மணிக்கட்டுல சம் அடி.. இங்கேயும் ரத்தக்களறி ஆயிடுச்சு.. அந்த நல்ல போலிஸ் மாமா, என்னப்பா அடி பட்டுச்சா?? ஆஸ்பத்திரிக்கு போகலாமான்னு ஆட்டோலாம் பிடிச்சிட்டார்.. நம்ம என்னிக்கு வலிச்சுதுன்னு சொல்லியிருக்கோம்.. அதனால, அடி படாத மாதிரியே ஆக்ட் வுட்டுட்டு சிரிச்சிகிட்டே வந்துட்டேன்..

சில்லறை 3:




ஒரு செப்டம்பர் மாத பின்மாலை பொழுது. லேசா மழை பெஞ்சிட்டு இருந்துது.. இந்த மாதிரி ஒரு ரம்மியமான் நேரத்துல, என்னோட வாகனத்துல மெய் மறந்து வந்துட்டு இருந்தேன்.. மழைனால ட்ராஃபிக் வேற கம்மியா தான் இருந்துது.. அந்த சில்லுனு மழைல நனைஞ்சிட்டு வர சுகம் இருக்கே....

சரி விஷயத்துக்கு வருவோம்... இப்படியா பட்ட நேரத்துல, எனக்கு முன்னடி ஒரு பிட்சா ஹ்ட் டெலிவரி ஆள், ஸ்கூட்டர்ல பறந்துட்டு இருந்தான்... (அவங்க ஸ்பீட்லாம் அடிச்சுக்கவே முடியாது.. அதுவும் ஸ்கூட்டர்ல..).. திடீர்னு பாத்தா நெஜமாலுமே பறந்துட்டு இருந்தான்.. என்னனு பாத்தா தலைவரு ரோட்டுக்கு நடுவுல மீடியனுக்காக போட்டிருந்த கல்லு மேலே ஏறி வந்த் வேகத்துல அப்படியே பறந்தார்... என்ன ஒரு கண்கொள்ளா காட்சின்னு நான் அத பாத்துட்டு ரோட்டுல சிந்தி இருந்த ஆயில பாக்கல.. எந்த வீணா போன வெண்ணையோட வண்டில இருந்து வழிஞ்சிருக்கு.. அதுல வண்டியோட முன் சக்கரம் ஏறி அங்கேயே சுத்துது.. :((( அப்புறம் என்ன, அந்த பிட்ஸா காரனுக்கு போட்டியா நானும் பறந்தேன்.. ஒரே வித்தியாசம்.. அவன் ஸ்கூட்டரோட பறந்தான்.. நான் பைக்க விட்டுட்டு பறந்தேன்.. பறந்து தரையில நெஞ்சு பட லேண்ட் ஆனேன்... ஆனாலும் மீசைல மண்ணு ஒட்டல.. சிங்கம்லே ACE :D

விழுந்த வலி ஒரு பக்கம்னா, ஒரு வெண்ணை கூட உதவிக்கு வரல.. நானே கஷ்ட பட்டு எழுந்து, என் வண்டிய தள்ளிட்டு ரோட்டோரம் வந்தா.. ரெண்டு பேர் அட்வைஸ்.. " பாத்து ஓட்டனும்.. கண்ணு மண்ணு தெரியாம ஓட்டினா இப்படி தான்"னு. அன்னிக்கு வலினால ஒன்னும் செய்ய முடியல.. இல்லேன்னா..

சில்லறை 4:

சென்னையில மீடியன் இல்லாத தெருக்கள்ல எழுத படாத சட்டம், எதிர் பக்கம் ஆள் இல்லைனா ராங் சைட்ல எத்தனை வேகமா வேணா வரலாம்.. அதே போல் ரெண்டு பேர் எதிர்க்க எதிர்க்க வந்தா, who blinks first மாதிரி, யார் முதல்ல நகரராங்கன்னு கடைசி நொடி வரைக்கும் போட்டி இருக்கும்.. கடைசில, ரெண்டு பேருமே அவங்கவங்க லெஃப்ட் சைட் கட் அடிச்சு போவாங்க.. இதுல கொஞ்சம் டைமிங் மிஸ் ஆச்சுனா அம்பேல் தான்..

கோடம்பாக்கம் பாலத்துல, இப்படி ஒரு முறை நான் கரைக்டா போயிட்டிருந்தேன்.. கொஞ்ச தூரத்துல, ஒருத்தன் ராங் சைட்ல வந்துட்டு இருந்தான்.. ரெண்டு பேரும் வேகமா தான் வந்தோம்.. அவன் டபுள்ஸ் வேற வந்துட்டு இருந்தான்.. கடைசி நொடி வரைக்கும் யாரும் வழி விடல.. கிட்ட வந்து நான் கரைக்டா கட் அடிச்சேன்.. அந்த dog கட் அடிக்காம நேரே வந்துட்டான்... வண்டி லைட்டா உரசுச்சு.. நான் மீண்டும் ஆஞ்சநேயரா, இந்த முறை பைக்கோட பறந்தேன்.. பாலம் இறக்கத்துல விழுந்ததுல, பைக்கோட ரெண்டு மூணு முறை உருண்டு, தலை ஒரு ரெண்டு தடவயாவது தரைல வேகமா தட்டுச்சு... நல்ல வேளை ஹெல்மெட் போட்டிருந்ததால தப்பிச்சேன்.. (யாருப்பா நாங்க மாட்டிக்கிட்டோம்னு சொல்றது.... )

அதோட, இந்த சேஷ்டைலாம் நிறுத்திகிட்டேன்.. அடுத்தவன் திறமைய நம்பி போனா இப்படி தான், அதனால் என் திறமைய மட்டும் நம்பி பைக் ஓட்டனும்னு முடிவு கட்டியாச்சு...

--------------------------------------------------------

பைக்ல அவ்ளோ தான்.. இன்னும் ரெண்டு சில்லறை கார்ல வாரினேன்.. அது இன்னொரு நாளைக்கு... சரி சரி.. மொக்கை ஸ்டாப் பண்ணிக்கறேன்.. கல்லெல்லாம் கீழ போடுங்க ப்ளீஸ் :D:D:D

டிஸ்கி : ஹார்லி டேவிட்சன் படம்லாம் ஒரு பில்ட் அப்புக்கு தான்.. :D :D.. (ஓட்டி பாக்கனும்னு ஆசை இருக்கு.. ஆனா இளிச்சவாயன் எவனும் சிக்க மாட்றான். :D :D)

Labels: ,

posted by ACE !! at 4:01 AM 69 comments