புலம்பல்கள் - PULAMBALGAL

Tuesday, October 16, 2007

தடங்கலுக்கு வருந்துகிறோம்...

கொடுமை கொடுமைன்னு இந்தியாவுக்கு வந்தா, இங்க ரெண்டு கொடுமை ஜிங்கு ஜிங்குன்னு ஆடுச்சாம். நம்ம நேரம் இப்படி தான் இருக்கு. வந்து 3 மாசத்துக்கு மேல ஆச்சே.. சரி ஒரு பதிவை போட்டு, அட்டெண்டன்ஸ் போடுவோம்னு பாத்தா, யு.எஸ்-ல இருந்து கிளம்பினதுல இருந்தே பிரச்சினை தான்.

L.A-ல சிங்கப்பூர் ஏர்லைன்ஸ் கவுண்டர கண்டுபிடிக்கறதே பெரிய பாடா போச்சு.. சென்னை ஏர்போர்டே தேவலாம். பஸ்ல போ, இந்த பில்டிங் போ, அங்க போ, லிப்ட்ல போ, லெப்ட்ல போன்னு ஒரு வழியா கண்டு பிடிச்சு எல்லா ஃபார்மாலிட்டீஸையும் முடிச்சேன்.

கரெக்டா விமானத்துல ஏறப்போகும் போது, உங்க கைப்பெட்டி பெருசா இருக்கு, எங்க கிட்ட குடுங்க, சிங்கப்பூர் வந்து வாங்கிக்குங்கன்னு கேட்ல ஒரு ஃபிகர் சொல்லுச்சேன்னு நம்பி பொட்டிய குடுத்தேன். சிங்கப்பூர் வந்தா பொட்டிய காணோம்.. அங்க இருந்த அக்கா கிட்ட கேட்டா, பொட்டியா என்ன பொட்டின்னு கலாய்க்குது. டேய், அண்ணன் யாரு தெரியும் இல்லன்னு சவுண்ட் விட்டப்புறம் பொட்டிய செக் இன் பண்ணிட்டோம்னு அசால்டா சொல்றாங்க. அடப்பாவிகளான்னு திட்டிகிட்டே வெளியே போய் (பாஸ்போர்ட்லாம் சரண்டர் செஞ்சப்புறம்) பொட்டிய பாத்தா உள்ள இருந்த கேமராவையும், கேம்கார்டரையும் காணோம்.

கேமரா வாங்கி 10 நாள் கூட ஆகல, நம்ம CVR கிட்ட ஆலோசனையெல்லாம் கேட்டு வாங்கினேன். அவர் சொல்லிகுடுத்த பாடத்தை எல்லாம் டெஸ்ட் பண்ணி கொடுமைபடுத்தலாம்னு வாங்கின கேமராவை சுட்டுட்டானுங்க.. படுபாவி பசங்க :( (இந்த கொடுமைய தடுக்க CVR செஞ்ச சதியான்னு தெரியல) இதுல கேமரா போனதைவிட, அதுல எடுத்த வீடியோ / படம் எல்லாம் போச்சு.. சோகத்தை வார்த்தையில வடிக்க முடியல.. கேமரா தொலைஞ்சதுக்கு துக்கம் கொண்டாடறதுலயே 1 மாசம் போயிடுச்சு.

சரி இதுக்கு மேலையும் காலம் கடத்தாம நம்ம கணிணி பொட்டிய ரெடி பண்ணி, நம்ம இணையுலக சகாக்களை எல்லாம் சந்திப்போம்னு, ரிட்சி தெருவுக்கு போய் மதர் போர்ட், ப்ராஸசர், RAM, எல்லாம் வாங்கிட்டு வந்து ஒரு வழியா கணிணியை ரெடி பண்றதுக்கே 1 மாசம் ஆயிடுச்சு. இது பத்தாதுன்னு இணைய இணைப்பு குடுங்கடான்னா, இதோ வரேன், அதோ வரேன்னு, 10 நாள் ஏர்டெல்ல இழுத்தடிச்சுட்டானுங்க.. ஏர்டெல் சர்வீஸ் வாங்கறதுக்குள்ள தொண்டை தண்ணி வத்தி போச்சு.. 6 தடவை போன் பண்ணப்புறம் தான் கனெக்ஷன் குடுத்தாங்க.

அப்பாடா, எல்லாம் செட் ஆயிடுச்சு, இந்த வாரம் பதிவ போட்டுடுவோம்னு நெனைச்சேன், நெனைச்சது தான் தாமதம், எவன் கண்ணு பட்டுதோ தெரியல, கணிணில USB ஸ்லாட் எதுவும் வேலை செய்யல, என் கிட்ட இருக்கற மவுஸ், கீபோர்ட் ரெண்டுமே USB-ல தான் இணைக்கனும். இது என்னடா மதுரைக்கு வந்த சோதனைனு நானும் எனக்கு தெரிஞ்ச வித்தையெல்லாம் காட்டியும் என் கணிணி அசரலை..

நானும் மனம் தளராத விக்கிரமாதித்தனா, கடன் வாங்கியாவது ஒரு பதிவை போடனும்னு, ஒரு ஃபிரண்ட் கிட்டேயிருந்து PS2 கீபோர்ட், மவுஸ் எல்லாம் வாங்கிட்டு வந்தேன். நேரம் நல்லா இல்லைனா, ஒட்டகத்துல மேல உக்காந்தாலும் நாய் கடிக்கும்னு சும்மாவா சொன்னாங்க. சிரைக்க போனவன் பொட்டிய மறந்த மாதிரி, கீபோர்ட் வாங்க போன நான் பை எதுவும் எடுத்துக்காம போயிட்டேன். மொபெட்ல வரும் போது, ஒரு பள்ளத்துல இறங்கி ஏறினப்போ சைட் பொட்டியில இருந்த கீபோர்ட் கீழே விழுந்துடுச்சு. எவனாவது அது மேல வண்டிய ஏத்திட போறானுங்கன்னு அவசர அவசரமா ஓடி ஏற்கனவே அடிபட்ட கால்ல இன்னும் நல்லா அடிபட, கீபோர்ட மட்டும் எடுத்துட்டு வீட்டுக்கு வந்துட்டேன்.

இனிமே சந்தோஷமா பதிவ போட்டு டார்ச்சர் பண்ண்லாம்னு பாத்தா, கீபோர்ட்ல இருந்து ஸ்பேஸ் பாரும், Atl கீயையும் காணோம். :(.. கீழே விழுந்த வேகத்துல எங்கேயோ கழண்டு விழுந்துடுச்சு.. :(

அட போங்கப்பா, ஒரே ஒரு பதிவை போடறதுக்கு இத்தனை தடங்கலா?? என்ன கொடுமை சார் இது.. :(

Labels: ,

posted by ACE !! at 4:55 PM 42 comments